გაუზიარეShare with მეგობრებსFriends

ზურაბიშვილი ლევან ივანეს ძე

ზურაბიშვილი ლევან ივანეს ძე

გაუზიარეShare with მეგობრებსFriends

ზურაბიშვილი ლევან ივანეს ძე, ინჟინერი, ქართული ემიგრაციის თვალსაჩინო წარმომადგენელი, პარიზის ქართული სათვისტომოს მერვე თავმჯდომარე. დაიბადა 1906 წლის 19 ივნისს, ქუთაისში, გარდაიცვალა 1975 წლის 10 თებერვალს, პარიზში.

ივანე ზურაბიშვილისა და ნინო ნიკოლაძის (1873-1959 წ.წ.) უმცროსი ვაჟიშვილი. არჩილ ზურაბიშვილის ძმა. 1921 წლიდან ოჯახთან ერთად ემიგრაციაშია. დაამთავრა სენტ-ბარბის კოლეჯი და სამთამადნო-საინჟინრო ინსტიტუტი.

იყო საქართველოს ეროვნულ დემოკრატიულ პარტიის წევრი, შემდეგ „თავისუფალ ქართველთა კავშირი”-ს დამფუძნებელი. 1928 წელს აირჩიეს საფრანგეთში მცხოვრებ ქართველ სტუდენტთა კავშირის თავმჯდომარედ. 1928-29 წლებში ილამაზ დადეშქელიანთან და იოსებ კემულარიასთან ერთად დააარსა წმინდა ნინოს ქართული მართლმადიდებლური სამრევლო პარიზში. იყო ქართველ უმუშევართა დამხმარე კომიტეტის მდივანი, „ქართველ ახალგაზრდათა წრის” ხელმძღვანელი. ელისე პატარიძესთან ერთად დაარსა „ქართული ეროვნული ცენტრი”.

1947 წლიდან „თავისუფალ ქართველთა კავშირის” თავმჯდომარე  გახლდათ. ლევან ზურაბიშვილი იყო 14 წლის განმავლობაში (1961-1975 წ.წ.) იყო პარიზის ქართული სათვისტომოს (ქართულ ასოციაციის) მერვე თავმჯდომარე იყო (ამ პოსტზე ელისე პატარიძე შეცვალა). მან ძმასთან, არჩილ ზურაბიშვილთან, ერთად გადამწყვეტი და მთავარი ადგილი დაიკავა 1973 წელს პარიზის წმინდა ნინოს ახალი ეკლესიის შეძენაში. ცოტა ხნით იყო კორსიკაზე (ხრუშჩოვმა, საფრანგეთში ვიზიტის წინ, მოითხოვა, ყველა ემიგრანტი, რომელიც КГБ -ს შედგენილ სიაში იყო, კორსიკაზე გადაესახლებინათ. საფრანგეთის მთავრობა უხალისოდ, მაგრამ მაინც დათანხმდა. შავ სიაში ლევან ზურაბიშვილიც მოხვდა.)

ლევან ზურაბიშვილი გარდაიცვალა 1975 წლის 10 თებერვალს, პარიზში, ხანგრძლივი ავადმყოფობის შემდეგ, დაკრძალულია ლევილში.

მეუღლე ზეინაბ კედია, შვილები სალომე და ოთარ ზურაბიშვილები.

მასალები მოგვაწოდა ოთარ პატარიძემ.

რესურსი ინტერნეტში:

http://www.samchoblo.org/agf_levan.htm

http://www.kvirispalitra.ge/public/5273-tserilebith-dabrunebulebi.html